Mae Siop Anrhegion yr Amgueddfa yn cynnig detholiad o eitemau sy’n ymwneud â chasgliad yr amgueddfa. Mae gennym ffigyrau o dduwiau a brenhinoedd sydd wedi’u hysbrydoli gan ein casgliad Eifftoleg a gallwch hyd yn oed mynd â thegan meddal Anubis adref gyda chi.
Mae gan Amgueddfa Abertawe gasgliad astudiaeth natur anhygoel. Gallwch chi hefyd ddechrau eich casgliad eich hun o gerrig caboledig a ffosilau neu brynu tegan deinosor ar gyfer paleontolegwyr ifanc.
Teganau Newydd
Mae stoc o deganau traddodiadol newydd yn siop yr amgueddfa sy’n cynnwys gemau pren a hyd yn oed trên gyda chwiban! Maen nhw’n berffaith i blant sy’n chwilio am ddiddordeb newydd neu sy’n mwynhau teganau’r gorffennol.
Dewch i gael cip ar ein ‘Cwtsh Llyfrau’ lle mae gennym ddetholiad eang o lyfrau sy’n ymwneud â hanes lleol a rhai unigryw gan awduron o Abertawe. Mae’r rhain yn anrhegion perffaith i bobl sy’n dwlu ar hanes lleol.
Llyfr newydd trawiadol
Yn dilyn arddangosfa gymeradwy iawn o ffotograffau a phaentiadau George Little, mae’r llyfr newydd hwn gan Peter Wakelin yn llawn lluniau o Abertawe yn y 50au a’r 60au. Bydd yn siŵr o foddio ffotograffwyr, artistiaid a’r rheini sy’n dwlu ar hanes.
£20 yn unig
Detholiad o gerddi
Mae detholiad o farddoniaeth y bardd o benrhyn Gŵyr, John Palmer, bellach ar gael yn Amgueddfa Abertawe. Yn berffaith i’w darllen wrth swatio’n glyd ar bwys tân (neu reiddiadur) cynnes. Mae pum cyfrol i ddewis ohonynt ac ar gyfer pob cyfrol rydych yn ei phrynu, mae rhodd yn cael ei roi i elusen Matthew’s House.
Celf y clawr gan yr artist John Upton.
Dim ond £5 yr un
Pris gostyngedig er mwyn dathlu’r arddangosfa
Os nad ydych chi wedi gweld ein harddangosfa ddiweddaraf, ‘Abertawe’r Ugeinfed Ganrif’ eto, nawr yw’r amser. Rydym wedi gostwng pris y llyfr hwn o ffotograffau gwych gan Colin Riddle yn arbennig ar gyfer yr arddangosfa, felly cofiwch brynu copi tro nesaf rydych chi’n ymweld!
£10 yn unig
Yr anrheg berffaith i’r rhieni sy’n dwlu ar gŵn
Byddwn yn gwerthu teganau traddodiadol yn y siop yn arbennig ar gyfer y gwyliau, Os ydych yn chwilio am anrheg unigryw, o robotiaid i harmonicâu, dewch lawr i’r amgueddfa y mis Rhagfyr hwn!
£9.95 yn unig
