Cyflwyniad
Gellir dadlau mai’r Ail Ryfel Byd yw’r digwyddiad mwyaf arwyddocaol yn hanes dynol yr 20fed canrif. Dinistriwyd canol Abertawe ganddo a gadawyd marc annileadwy ar y rheini a oedd wedi byw drwyddo. Bydd pecyn Abertawe yn y Rhyfel yn archwilio’r canlynol:
- Cyd-destun ac achosion hanesyddol yr Ail Ryfel Byd
- Moeseg mewn perthynas â’r rhyfel
- Propaganda a’r Ffrynt Cartref
- Tystiolaeth hanesyddol o ffynonellau cynradd ac eilradd
- Yr effaith ar Abertawe
- Dinasyddiaeth ac ymateb dinasyddion
- Gwrthrychau a delweddau hanesyddol o’r Ail Ryfel Byd
Lefel cynnydd 2 a 3
Ystod oedran darged – Blwyddyn 4 i 6
Hyd y sesiwn – 4 awr
Bydd y sesiwn yn cynnwys cyflwyniad PowerPoint a gweithgareddau.
Hyd y sesiwn yw 4 awr, 10am – 2pm gan gynnwys egwyl ginio
Dyniaethau
Datganiadau o’r Hyn sy’n Bwysig:
Mae ymholi, archwilio ac ymchwilio’n annog chwilfrydedd ynghylch y byd, ei orffennol, y presennol a’r dyfodol.
Mae digwyddiadau a phrofiadau pobl yn gymhleth ac maent yn cael eu hystyried, eu dehongli a’u portreadu mewn ffyrdd gwahanol.
Mae cymdeithasau dynol yn gymhleth ac yn amrywiol, a chânt eu siapio gan weithredoedd a chredoau dynol.
Mae dinasyddion gwybodus, hunanymwybodol yn ymgysylltu â’r heriau a’r cyfleoedd sy’n wynebu bodau dynol, ac maent yn gallu ymateb mewn ffordd ystyriol a moesegol.
